৪. ৰিমুচ্চমানকথাৰণ্ণনা

৩৬৬. ঝানেন ৰিক্খম্ভনৰিমুত্তিযা ৰিমুত্তং চিত্তং মগ্গক্খণে সমুচ্ছেদৰিমুত্তিযা ৰিমুচ্চমানং নাম হোতীতি এতিস্সা লদ্ধিযা কো দোসোতি ৰিচারেতব্বং. যদি ৰিপ্পকতনিদ্দেসে দোসো, তত্রাপি তেন ৰিমুচ্চমানতায ‘‘ৰিমুত্তং ৰিমুচ্চমান’’ন্তি ৰুত্তং. সতি চ দোসে উপ্পাদক্খণে ৰিমুত্তং, ৰযক্খণে ৰিমুচ্চমানন্তি ৰিমুত্তৰিমুচ্চমানৰচনস্স ন চোদেতব্বং সিযা, অথ খো ৰিমুচ্চমানৰচনমেৰাতি. একদেসেন, একদেসে ৰা ৰিমুচ্চমানস্স চ ৰিমুত্তকিরিযায একদেসো ৰিসেসনং হোতীতি ‘‘ভাৰনপুংসক’’ন্তি ৰুত্তং. কটাদযোতি কটপটাদযো. একেনেৰ চিত্তেনাতি একেনেৰ ফলচিত্তেনাতি অধিপ্পাযো.

ৰিমুচ্চমানকথাৰণ্ণনা নিট্ঠিতা.