১. সুদ্ধব্রহ্মচরিযকথাৰণ্ণনা

২৬৯. ‘‘পরনিম্মিতৰসৰত্তিদেৰে উপাদায তদুপরী’’তি ৰুত্তং, ‘‘তীহি, ভিক্খৰে, ঠানেহী’’তি (অ. নি. ৯.২১) পন সুত্তস্স ৰচনেন হেট্ঠাপি মগ্গভাৰনম্পি ন ইচ্ছন্তীতি ৰিঞ্ঞাযতি.

২৭০. ‘‘গিহীনঞ্চেৰ একচ্চানঞ্চ দেৰানং মগ্গপটিলাভং সন্ধায পটিক্খেপো তস্সেৰা’’তি ৰুত্তং, ‘‘যত্থ নত্থী’’তি পন ওকাসৰসেন পুট্ঠো পুগ্গলৰসেন তস্স পটিক্খেপো ন যুত্তো. যদি চ তস্সাযং অধিপ্পাযো, সকৰাদিনা সমানাধিপ্পাযত্তা ন নিগ্গহেতব্বো.

২৭১. একন্তরিকপঞ্হাতি পরৰাদীসকৰাদীনং অঞ্ঞমঞ্ঞং পঞ্হন্তরিকা পঞ্হা.

সুদ্ধব্রহ্মচরিযকথাৰণ্ণনা নিট্ঠিতা.