১১. দক্খিণাৰিসুদ্ধিকথাৰণ্ণনা

৮০০-৮০১. দক্খিণাৰিসুদ্ধিকথাযং ৰিসুজ্ঝেয্যাতি এতস্স অত্থং দস্সেন্তো ‘‘মহপ্ফলা ভৰেয্যা’’তি আহ. দাযকস্সেৰ চিত্তৰিসুদ্ধি ৰিপাকদাযিকা হোতীতি পটিগ্গাহকনিরপেক্খা পটিগ্গাহকেন পচ্চযভূতেন ৰিনা দাযকেনেৰ মহাৰিপাকচেতনত্তং আপাদিকা, পটিগ্গাহকনিরপেক্খা ৰিপাকদাযিকা হোতীতি অধিপ্পাযো. অঞ্ঞো অঞ্ঞস্স কারকোতি যদি দাযকস্স দানচেতনা নাম পটিগ্গাহকেন কতা ভৰেয্য, যুত্তরূপং সিযাতি কস্মা ৰুত্তং, ননু লদ্ধিকিত্তনে ‘‘দাযকেন দানং দিন্নং, পটিগ্গাহকেন ৰিপাকো নিব্বত্তিতোতি অঞ্ঞো অঞ্ঞস্স কারকো ভৰেয্যা’’তি ৰুত্তন্তি? সচ্চমেতং, পটিগ্গাহকেন ৰিপাকনিব্বত্তনম্পি পন দানচেতনানিব্বত্তনেন যদি ভৰেয্য, এৰং সতি অঞ্ঞো অঞ্ঞস্স কারকোতি যুত্তরূপং সিযাতি অধিপ্পাযো.

দক্খিণাৰিসুদ্ধিকথাৰণ্ণনা নিট্ঠিতা.

সত্তরসমৰগ্গৰণ্ণনা নিট্ঠিতা.