২. পচ্চনীকানুলোমৰণ্ণনা

৭-১০. ‘‘অত্তনো লদ্ধিং নিস্সায পটিঞ্ঞা পরৰাদিস্সা’’তি ৰত্ৰা পুন ‘‘পরমত্থৰসেন পুগ্গলস্স অভাৰতো পটিক্খেপো পরৰাদিস্সা’’তি ৰুত্তং. তত্রাযং পটিক্খেপো অত্তনো লদ্ধিযা যদি কতো, পরমত্থতো অঞ্ঞেন সচ্চিকট্ঠপরমত্থেন পুগ্গলো উপলব্ভতীতি অযমস্স লদ্ধীতি আপজ্জতি. তথা চ সতি নাযং সম্মুতিসচ্চৰসেন উপলদ্ধিং ইচ্ছন্তেন নিগ্গহেতব্বো. অথ অত্তনো লদ্ধিং নিগ্গূহিত্ৰা পরস্স লদ্ধিৰসেন পটিক্খিপতি, পুরিমপটিঞ্ঞায অৰিরোধিতত্তা ন নিগ্গহেতব্বো. ন হি অত্তনো চ পরস্স চ লদ্ধিং ৰদন্তস্স দোসো আপজ্জতীতি. অত্তনো পন লদ্ধিযা পটিজানিত্ৰা পরলদ্ধিযা পটিক্খিপন্তেন অত্তনো লদ্ধিং ছড্ডেত্ৰা পরলদ্ধি গহিতা হোতীতি নিগ্গহেতব্বোতি অযমেত্থ অধিপ্পাযো সিযা.

পচ্চনীকানুলোমৰণ্ণনা নিট্ঠিতা.

সুদ্ধসচ্চিকট্ঠৰণ্ণনা নিট্ঠিতা.