৬. ছক্কনিদ্দেসৰণ্ণনা

২০২. ছক্কে একন্ততো পাকটা সম্মাসম্বুদ্ধাদযো তে যথাৰুত্তগুণা পুগ্গলাতি দস্সেন্তো ‘‘সম্মাসম্বুদ্ধো তেন দট্ঠব্বো’’তিআদিমাহ. তত্থ তেনাতি সামং সচ্চাভিসমযো তত্থ চ সব্বঞ্ঞুতপ্পত্তিবলেসু চ ৰসিভাৰপ্পত্তীতি এতেন সব্বেন সমুদিতেন. ‘‘সব্বঞ্ঞুতঞ্ঞাণেনা’’তি পন ৰুত্তে সব্বমিদং সঙ্গহিতং হোতি সামং সচ্চাভিসমযেন বলেসু চ ৰসিভাৰপ্পত্তিযা চ ৰিনা সব্বঞ্ঞুতঞ্ঞাণস্স অভাৰা, তস্মা অট্ঠকথাযং ‘‘সব্বঞ্ঞুতঞ্ঞাণেনা’’তি এত্তকমেৰ ৰুত্তং. তত্থ অনাচরিযকেন অত্তনা উপ্পাদিতেনাতি ৰচনেন সব্বঞ্ঞুতঞ্ঞাণস্স সাচরিযকত্তং পরতো উপ্পত্তিঞ্চ পটিসেধেতি, ন সাচরিযকং পরেহি উপ্পাদিতঞ্চ সব্বঞ্ঞুতঞ্ঞাণং. ন হি তং তাদিসং নিৰারেতব্বং অত্থীতি.

ছক্কনিদ্দেসৰণ্ণনা নিট্ঠিতা.