১-১০. সম্বাধসুত্তাদিৰণ্ণনা

৪২-৫১. পঞ্চমস্স পঠমে উদাযীতি তযো থেরা উদাযী নাম কাল়ুদাযী, লাল়ুদাযী, মহাউদাযীতি, ইধ কাল়ুদাযী অধিপ্পেতোতি আহ ‘‘উদাযীতি কাল়ুদাযিত্থেরো’’তি. সম্বাধেতি সম্পীল়িততণ্হাসংকিলেসাদিনা সউপ্পীল়নতায পরমসম্বাধে. অতিৰিয সঙ্করট্ঠানভূতো হি নীৰরণসম্বাধো অধিপ্পেতো. ওকাসোতি ঝানস্সেতং নামং. নীৰরণসম্বাধাভাৰেন হি ঝানং ইধ ‘‘ওকাসো’’তি ৰুত্তং. পটিলীননিসভোতি ৰা পটিলীনো হুত্ৰা সেট্ঠো, পটিলীনানং ৰা সেট্ঠোতি পটিলীননিসভো. পটিলীনা নাম পহীনমানা ৰুচ্চন্তি মানুস্সযৰসেন উণ্ণতাভাৰতো. যথাহ ‘‘কথঞ্চ, ভিক্খৰে, ভিক্খু পটিলীনো হোতি? ইধ, ভিক্খৰে, ভিক্খুনো অস্মিমানো পহীনো হোতি উচ্ছিন্নমূলো তালাৰত্থুকতো অনভাৰংগতো আযতিং অনুপ্পাদধম্মো’’তি (অ. নি. ৪.৩৮; মহানি. ৮৭). সেসং সব্বত্থ উত্তানমেৰ.

সম্বাধসুত্তাদিৰণ্ণনা নিট্ঠিতা.

ইতি মনোরথপূরণিযা অঙ্গুত্তরনিকায-অট্ঠকথায

নৰকনিপাতৰণ্ণনায অনুত্তানত্থদীপনা সমত্তা.