৪-৫. সত্তাৰাসসুত্তাদিৰণ্ণনা

২৪-২৫. চতুত্থে সত্তা আৰসন্তি এতেসূতি সত্তাৰাসা, নানত্তসঞ্ঞিআদিভেদা সত্তনিকাযা. যস্মা তে তে সত্তনিৰাসা তপ্পরিযাপন্নানং সত্তানং তায এৰ তপ্পরিযাপন্নতায আধারো ৰিয ৰত্তব্বতং অরহন্তি. সমুদাযাচারো হি অৰযৰস্স যথা ‘‘রুক্খে সাখা’’তি, তস্মা ‘‘সত্তানং আৰাসা, ৰসনট্ঠানানীতি অত্থো’’তি ৰুত্তং. সুদ্ধাৰাসাপি সত্তাৰাসোৰ ‘‘ন সো, ভিক্খৰে, সত্তাৰাসো সুলভরূপো, যো মযা অনাৰুত্থপুব্বো ইমিনা দীঘেন অদ্ধুনা অঞ্ঞত্র সুদ্ধাৰাসেহি দেৰেহী’’তি (দী. নি. ২.৯১) ৰচনতো. যদি এৰং তে কস্মা ইধ ন গহিতাতি তত্থ কারণমাহ ‘‘অসব্বকালিকত্তা’’তিআদি. ৰেহপ্ফলা পন চতুত্থেযেৰ সত্তাৰাসে ভজন্তীতি দট্ঠব্বং. পঞ্চমং উত্তানমেৰ.

সত্তাৰাসসুত্তাদিৰণ্ণনা নিট্ঠিতা.