১. সীহনাদসুত্তৰণ্ণনা

১১. দুতিযস্স পঠমে অৰাপুরেন্তি ৰিৰরন্তি দ্ৰারং এতেনাতি অৰাপুরণং. রজং হরন্তি এতেনাতি রজোহরণং. কল়োপিহত্থোতি ৰিলীৰমযভাজনহত্থো, ‘‘চম্মমযভাজনহত্থো’’তি চ ৰদন্তি. ছিন্নানি ৰিসাণানি এতস্সাতি ছিন্নৰিসাণো, উসভো চ সো ছিন্নৰিসাণো চাতি উসভছিন্নৰিসাণো. ৰিসেসনপরোযং সমাসো. অহিকুণপেন ৰাতিআদি অতিজেগুচ্ছপ্পটিকূলকুণপদস্সনত্থং ৰুত্তং. কণ্ঠে আসত্তেনাতি কেনচিদেৰ পচ্চত্থিকেন আনেত্ৰা কণ্ঠে বদ্ধেন, ওমুক্কেনাতি অত্থো. অট্টো আতুরো দুগ্গন্ধপীল়ায পীল়িতো. অচ্চযস্স পটিগ্গণ্হনং ৰা অধিৰাসনং. এৰঞ্হি সো কারণে দেসিযমানে ততো ৰিগতো নাম হোতি. তেনাহ ‘‘পটিগ্গণ্হতূতি খমতূ’’তি. সেসমেত্থ সুৰিঞ্ঞেয্যমেৰ.

সীহনাদসুত্তৰণ্ণনা নিট্ঠিতা.