৯-১০. পঠমইধলোকিকসুত্তাদিৰণ্ণনা

৪৯-৫০. নৰমে ইধলোকৰিজযাযাতি ইধলোকৰিজিননত্থায অভিভৰত্থায. যো হি দিট্ঠধম্মিকং অনত্থং পরিৰজ্জনৰসেন অভিভৰতি, ততো এৰ তদত্থং সম্পাদেতি, সো ইধলোকৰিজযায পটিপন্নো নাম হোতি পচ্চত্থিকনিগ্গণ্হনতো সদত্থসম্পাদনতো চ. তেনাহ ‘‘অযংস লোকো আরদ্ধো হোতী’’তি. (পসংসাৰহতো তযিদং পসংসাৰহনং কিত্তিসদ্দেন ইধলোকে সদ্দানং চিত্ততোসনৰিদ্ধেয্যভাৰাপাদনেন চ হোতীতি দট্ঠব্বং.) সুসংৰিহিতকম্মন্তোতি যাগুভত্তপচনকালাদীনি অনতিক্কমিত্ৰা তস্স তস্স সাধুকং করণেন সুট্ঠু সংৰিহিতকম্মন্তো. পরলোকৰিজযাযাতি পরলোকস্স ৰিজিননত্থায অভিভৰত্থায. যো হি সম্পরাযিকং অনত্থং পরিৰজ্জনৰসেন অভিভৰতি, ততো এৰ তদত্থং সম্পাদেতি, সো পরলোকৰিজযায পটিপন্নো নাম হোতি. সেসং সব্বত্থ উত্তানমেৰ.

পঠমইধলোকিকসুত্তাদিৰণ্ণনা নিট্ঠিতা.

উপোসথৰগ্গৰণ্ণনা নিট্ঠিতা.

পঠমপণ্ণাসকং নিট্ঠিতং.