৩-৪. পঠমধম্মৰিহারীসুত্তাদিৰণ্ণনা

৭৩-৭৪. ততিযে নিযকজ্ঝত্তেতি অত্তনো সন্তানে. মেত্তায উপসংহরণৰসেন হিতং এসন্তেন. করুণায ৰসেন অনুকম্পমানেন. পরিগ্গহেত্ৰাতি পরিতো গহেত্ৰা, ফরিত্ৰাতি অত্থো. পরিচ্চাতি পরিতো কত্ৰা, সমন্ততো ফরিত্ৰা ইচ্চেৰ অত্থো. ‘‘পটিচ্চা’’তিপি পাঠো. মা পমজ্জিত্থাতি ‘‘ঝাযথা’’তি ৰুত্তসমথৰিপস্সনানং অননুযুঞ্জনেন অঞ্ঞেন ৰা কেনচি পমাদকারণেন মা পমাদং আপজ্জিত্থ. নিয্যানিকসাসনে অকত্তব্বকরণং ৰিয কত্তব্বাকরণম্পি পমাদোতি. ৰিপত্তিকালেতি সত্তঅসপ্পাযাদিৰিপত্তিযুত্তে কালে. সব্বেপি সাসনে গুণা ইধেৰ সঙ্গহং গচ্ছন্তীতি আহ ‘‘ঝাযথ মা পমাদত্থ…পে… অনুসাসনী’’তি. চতুত্থে নত্থি ৰত্তব্বং.

পঠমধম্মৰিহারীসুত্তাদিৰণ্ণনা নিট্ঠিতা.