২. চুন্দীসুত্তৰণ্ণনা

৩২. দুতিযে ‘‘অরিযকন্তেহি সীলেহি সমন্নাগতো’’তিআদীসু (অ. নি. ৫.১৭৯) অরিযকন্তানীতি পঞ্চসীলানি আগতানি. অরিযকন্তানি হি পঞ্চসীলানি অরিযানং কন্তানি পিযানি, ভৰন্তরগতাপি অরিযা তানি ন ৰিজহন্তি. ইধ পন ‘‘যাৰতা, চুন্দ, সীলানি অরিযকন্তানি সীলানি, তেসং অগ্গমক্খাযতি…পে… অগ্গে তে পরিপূরকারিনো’’তি ৰুত্তত্তা মগ্গফলানি সীলানি অধিপ্পেতানীতি আহ ‘‘অরিযকন্তানি সীলানীতি মগ্গফলসম্পযুত্তানি সীলানী’’তি.

চুন্দীসুত্তৰণ্ণনা নিট্ঠিতা.