৩. উগ্গহসুত্তৰণ্ণনা

৩৩. ততিযে সব্বপঠমং উট্ঠানসীলাতি রত্তিযা ৰিভাযনৰেলায সামিকে পরিজনে সেয্যায অৰুট্ঠিতে সব্বপঠমং উট্ঠানসীলা. সামিকং দিস্ৰা নিসিন্নাসনতো অগ্গিদড্ঢা ৰিয পঠমমেৰ ৰুট্ঠহন্তীতি ৰা পুব্বুট্ঠাযিনিযো. কিংকারন্তি কিংকরণীযং, কিংকরণভাৰেন পুচ্ছিত্ৰা কাতব্বৰেয্যাৰচ্চন্তি অত্থো. তং পটিস্সুণন্তা ৰিচরন্তীতি কিংকারপ্পটিস্সাৰিনিযো. মনাপংযেৰ কিরিযং করোন্তি সীলেনাতি মনাপচারিনিযো. পিযমেৰ ৰদন্তি সীলেনাতি পিযৰাদিনিযো.

তত্রুপাযাযাতি তত্র কম্মে সাধেতব্বউপাযভূতায ৰীমংসায. তেনাহ ‘‘তস্মিং উণ্ণাকপ্পাসসংৰিধানে’’তিআদি. অলং কাতুন্তি কাতুং সমত্থা. অলং সংৰিধাতুন্তি ৰিচারেতুং সমত্থা. তেনাহ ‘‘অলং কাতুং অলং সংৰিধাতুন্তি অত্তনা কাতুম্পি পরেহি কারাপেতুম্পী’’তিআদি. সেসমেত্থ সুৰিঞ্ঞেয্যমেৰ.

উগ্গহসুত্তৰণ্ণনা নিট্ঠিতা.