১-২. অক্কোসকসুত্তাদিৰণ্ণনা

২১১-২. দুতিযস্স পঠমে দসহি অক্কোসৰত্থূহি অক্কোসকোতি ‘‘বালোসি, মূল়্হোসি, ওট্ঠোসি, গোণোসি, গদ্রভোসী’’তিআদিনা দসহি অক্কোসৰত্থূহি অক্কোসকো. ‘‘হোতু, মুণ্ডকসমণ, অদণ্ডো অহন্তি করোসি, ইদানি তে রাজকুলং গন্ত্ৰা দণ্ডং আরোপেস্সামী’’তিআদীনি ৰদন্তো পরিভাসকো নামাতি আহ ‘‘ভযদস্সনেন পরিভাসকো’’তি. লোকুত্তরধম্মা অপাযমগ্গস্স পরিপন্থভাৰতো পরিপন্থো নামাতি আহ ‘‘লোকুত্তরপরিপন্থস্স ছিন্নত্তা’’তি, লোকুত্তরসঙ্খাতস্স অপাযমগ্গপরিপন্থস্স ছিন্নত্তাতি অত্থো. দুতিযে নত্থি ৰত্তব্বং.

অক্কোসকসুত্তাদিৰণ্ণনা নিট্ঠিতা.