৩. কুহকসুত্তৰণ্ণনা

৮৩. ততিযে তীহি কুহনৰত্থূহীতি সামন্তজপ্পনইরিযাপথসন্নিস্সিতপচ্চযপ্পটিসেৰনভেদতো তিপ্পভেদেহি কুহনৰত্থূহি. তিৰিধেন কুহনৰত্থুনা লোকং কুহযতি ৰিম্হাপযতি ‘‘অহো অচ্ছরিযপুরিসো’’তি অত্তনি পরেসং ৰিম্হযং উপ্পাদেতীতি কুহকো. লাভসক্কারত্থিকো হুত্ৰা লপতি অত্তানং দাযকং ৰা উক্খিপিত্ৰা যথা সো কিঞ্চি দদাতি, এৰং উক্কাচেত্ৰা কথেতীতি লপকো. নিমিত্তং সীলং তস্সাতি নেমিত্তিকো, নিমিত্তেন ৰা চরতি, নিমিত্তং ৰা করোতীতি নেমিত্তিকো. নিমিত্তন্তি চ পরেসং পচ্চযদানসঞ্ঞুপ্পাদকং কাযৰচীকম্মং ৰুচ্চতি. নিপ্পেসো সীলমস্সাতি নিপ্পেসিকো. নিপ্পিসতীতি ৰা নিপ্পেসো, নিপ্পেসোযেৰ নিপ্পেসিকো. নিপ্পেসোতি চ সঠপুরিসো ৰিয লাভসক্কারত্থং অক্কোসনুপ্পণ্ডনপরপিট্ঠিমংসিকতাদি.

কুহকসুত্তৰণ্ণনা নিট্ঠিতা.