১. পঠমপুঞ্ঞাভিসন্দসুত্তৰণ্ণনা

৫১. দুতিযস্স পঠমে পুঞ্ঞাভিসন্দাতি ৰা পুঞ্ঞনদিযো. অৰিচ্ছেদেন নিচ্চং পৰত্তিযমানানি হি পুঞ্ঞানি অভিসন্দনট্ঠেন ‘‘পুঞ্ঞাভিসন্দা’’তি ৰুত্তা. অপরিমিতন্তি আল়্হকগণনায অপরিমিতং, যোজনৰসেন পনস্স পরিমাণং অত্থি. তথা হি হেট্ঠা মহাপথৰিযা উপরি আকাসেন পরতো চক্কৰাল়পব্বতেন মজ্ঝে তত্থ তত্থ ঠিতেহি দীপপব্বতপরিযন্তেহি পরিচ্ছিন্নত্তা যোজনতো সক্কা পমাণং কাতুং. ভেরৰারম্মণেহীতি সৰিঞ্ঞাণকাৰিঞ্ঞাণকেহি ভেরৰারম্মণেহি. তথা হি তং মহাসরীরমচ্ছকুম্ভীলযক্খরক্খসমহানাগদানৰাদীনং সৰিঞ্ঞাণকানং ৰল়ৰামুখপাতালাদীনং অৰিঞ্ঞাণকানঞ্চ ভেরৰারম্মণানং ৰসেন ‘‘বহুভেরৰ’’ন্তি ৰুচ্চতি. সেসমেত্থ উত্তানমেৰ.

পঠমপুঞ্ঞাভিসন্দসুত্তৰণ্ণনা নিট্ঠিতা.