১-৩. অভিঞ্ঞাসুত্তাদিৰণ্ণনা

২৫৪-২৫৬. ছট্ঠস্স পঠমে পচ্চনীকসমনতো সমথো, সমাধীতি আহ ‘‘চিত্তেকগ্গতা’’তি. অনিচ্চাদিনা ৰিৰিধেনাকারেন দস্সনতো ৰিপস্সনা, সঙ্খারপরিগ্গাহকঞাণং. তেনাহ ‘‘সঙ্খারপরিগ্গহৰিপস্সনাঞাণ’’ন্তি.

দুতিযে অনরিযেহি পরিযেসিতব্বত্তা অনরিযানং পরিযেসনাতি অনরিযপরিযেসনা. সযং লামকতায অনরিযানং পরিযেসনাতি ৰা অনরিযপরিযেসনা. জরাসভাৰন্তি জীরণপকতিকং. ততিযং উত্তানমেৰ.

অভিঞ্ঞাসুত্তাদিৰণ্ণনা নিট্ঠিতা.