৫-৬. উপৰাণসুত্তাদিৰণ্ণনা

১৭৫-৬. পঞ্চমে ৰিজ্জাযাতি দিব্বচক্খুপুব্বেনিৰাসানুস্সতিআসৰক্খযঞাণসঙ্খাতায তিৰিধায ৰিজ্জায, অট্ঠৰিধায ৰা. অট্ঠৰিধাপি হি ৰিজ্জা ৰিপস্সনাঞাণেন মনোমযিদ্ধিযা চ সহ অভিঞ্ঞা পরিগ্গহেত্ৰা ৰুত্তা. পন্নরসধম্মভেদেন চরণেন সমন্নাগতোতি সীলসংৰরো, ইন্দ্রিযেসু গুত্তদ্ৰারতা, ভোজনে মত্তঞ্ঞুতা, জাগরিযানুযোগো, সদ্ধা, হিরী, ওত্তপ্পং, বাহুসচ্চং, ৰীরিযং, সতি, পঞ্ঞা, চত্তারি রূপাৰচরজ্ঝানানীতি এৰং পন্নরসভেদেন চরণধম্মেন সমন্নাগতো. ইমেযেৰ হি পন্নরস ধম্মা যস্মা এতেহি চরতি অরিযসাৰকো গচ্ছতি অমতং দিসং, তস্মা ‘‘চরণ’’ন্তি ৰুত্তা. ছট্ঠে নত্থি ৰত্তব্বং.

উপৰাণসুত্তাদিৰণ্ণনা নিট্ঠিতা.