(৮) ৩. সনিমিত্তৰগ্গৰণ্ণনা

৭৮-৭৯. ততিযস্স পঠমে নিমীযতি এত্থ ফলং অৰসেসপচ্চযেহি পক্খিপীযতি ৰিযাতি নিমিত্তং, কারণন্তি আহ ‘‘সনিমিত্তাতি সকারণা’’তি. দুতিযাদীসূতি দুতিযসুত্তাদীসু. এসেৰ নযোতি ইমিনা নিদানাদিপদানম্পি কারণপরিযাযমেৰ দীপেতি. নিদদাতি ফলন্তি নিদানং, হিনোতি ফলং পতিট্ঠাতি এতেনাতি হেতু, সঙ্খরোতি ফলন্তি সঙ্খারো, পটিচ্চ এতস্মা ফলং এতীতি পচ্চযো, রুপ্পতি নিরুপ্পতি ফলং এত্থাতি রূপন্তি এৰং নিদানাদিপদানম্পি হেতুপরিযাযতা ৰেদিতব্বা.

৮৪. সত্তমে পচ্চযভূতাযাতি সহজাতাদিপচ্চযভূতায.

৮৭. দসমে সমেচ্চ সম্ভুয্য পচ্চযেহি কতোতি সঙ্খতো, সঙ্খতো ধম্মো আরম্মণং এতেসন্তি সঙ্খতারম্মণা. মগ্গক্খণে ন হোন্তি নাম পহীযন্তীতি কত্ৰা. নাহেসুন্তি এত্থ ‘‘ৰুচ্চন্তী’’তি অজ্ঝাহরিতব্বং. যাৰ অরহত্তা দেসনা দেসিতা তংতংসুত্তপরিযোসানে ‘‘ন হোন্তী’’তি ৰুত্তত্তা.

সনিমিত্তৰগ্গৰণ্ণনা নিট্ঠিতা.