১-৪. কামভোগীসুত্তাদিৰণ্ণনা

৯১-৯৪. পঞ্চমস্স পঠমাদীনি উত্তানত্থানি. চতুত্থে তপনং সন্তপনং কাযস্স খেদনং তপো, সো এতস্স অত্থীতি তপস্সী, তং তপস্সিং. যস্মা তথাভূতো তপনিস্সিতো, তপো ৰা তন্নিস্সিতো, তস্মা আহ ‘‘তপনিস্সিতক’’ন্তি. লূখং ফরুসং সাধুসম্মতাচারৰিরহতো ন পসাদনীযং আজীৰতি ৰত্ততীতি লূখাজীৰী, তং লূখাজীৰিং. উপক্কোসতীতি উপ্পণ্ডেতি, উপহসনৰসেন পরিভাসতি. উপৰদতীতি অৰঞ্ঞাপুব্বকং অপৰদতি. তেনাহ ‘‘হীল়েতি ৰম্ভেতী’’তি.

কামভোগীসুত্তাদিৰণ্ণনা নিট্ঠিতা.