১-৮. ৰাহনসুত্তাদিৰণ্ণনা

৮১-৮৮. চতুত্থস্স পঠমে ৰিমরিযাদীকতেনাতি নিম্মরিযাদীকতেন. চেতসাতি এৰংৰিধেন চিত্তেন ৰিহরতি. তত্থ দ্ৰে মরিযাদা কিলেসমরিযাদা চ আরম্মণমরিযাদা চ. সচে হিস্স রূপাদিকে আরব্ভ রাগাদযো উপ্পজ্জেয্যুং, কিলেসমরিযাদা তেন কতা ভৰেয্য. তেসু পনস্স একোপি ন উপ্পন্নোতি কিলেসমরিযাদা নত্থি. সচে পনস্স রূপাদিধম্মে আৰজ্জেন্তস্স একচ্চে আপাথং নাগচ্ছেয্যুং, এৰমস্স আরম্মণমরিযাদা ভৰেয্য. তে পনস্স ধম্মে আৰজ্জেন্তস্স আপাথং অনাগতধম্মো নাম নত্থীতি আরম্মণমরিযাদাপি নত্থি. ইধ পন কিলেসমরিযাদা অধিপ্পেতাতি আহ ‘‘কিলেসমরিযাদং ভিন্দিত্ৰা’’তিআদি. ততিযাদীসু নত্থি ৰত্তব্বং.

ৰাহনসুত্তাদিৰণ্ণনা নিট্ঠিতা.