১০. দুতিযছন্দপ্পহানসুত্তং

১১২. সাৰত্থিনিদানং. ‘‘রূপে, ভিক্খৰে, যো ছন্দো যো রাগো যা নন্দী যা তণ্হা যে উপযুপাদানা চেতসো অধিট্ঠানাভিনিৰেসানুসযা, তে পজহথ. এৰং তং রূপং পহীনং ভৰিস্সতি উচ্ছিন্নমূলং…পে… ৰেদনায… সঞ্ঞায… সঙ্খারেসু যো ছন্দো…পে… এৰং তে সঙ্খারা পহীনা ভৰিস্সন্তি উচ্ছিন্নমূলা তালাৰত্থুকতা অনভাৰংকতা আযতিং অনুপ্পাদধম্মা. ৰিঞ্ঞাণে যো ছন্দো যো রাগো যা নন্দী যা তণ্হা যে উপযুপাদানা চেতসো অধিট্ঠানাভিনিৰেসানুসযা, তে পজহথ. এৰং তং ৰিঞ্ঞাণং পহীনং ভৰিস্সতি উচ্ছিন্নমূলং তালাৰত্থুকতং অনভাৰংকতং আযতিং অনুপ্পাদধম্ম’’ন্তি. দসমং.

অন্তৰগ্গো একাদসমো.

তস্সুদ্দানং –

অন্তো দুক্খঞ্চ সক্কাযো, পরিঞ্ঞেয্যা সমণা দুৰে;

সোতাপন্নো অরহা চ, দুৰে চ ছন্দপ্পহানাতি.