৩. একপুত্তকসুত্তং

১৭২. সাৰত্থিযং ৰিহরতি…পে… ‘‘দারুণো, ভিক্খৰে, লাভসক্কারসিলোকো…পে… সদ্ধা, ভিক্খৰে, উপাসিকা একপুত্তকং পিযং মনাপং এৰং সম্মা আযাচমানা আযাচেয্য – ‘তাদিসো, তাত, ভৰাহি যাদিসো চিত্তো চ গহপতি হত্থকো চ আল়ৰকো’তি. এসা, ভিক্খৰে, তুলা এতং পমাণং মম সাৰকানং উপাসকানং, যদিদং চিত্তো চ গহপতি হত্থকো চ আল়ৰকো. সচে খো ত্ৰং, তাত, অগারস্মা অনগারিযং পব্বজসি; তাদিসো, তাত, ভৰাহি যাদিসা সারিপুত্তমোগ্গল্লানাতি. এসা, ভিক্খৰে, তুলা এতং পমাণং মম সাৰকানং ভিক্খূনং, যদিদং সারিপুত্তমোগ্গলানা. মা চ খো ত্ৰং, তাত, সেখং অপ্পত্তমানসং লাভসক্কারসিলোকো অনুপাপুণাতূতি. তঞ্চে, ভিক্খৰে, ভিক্খুং সেখং অপ্পত্তমানসং লাভসক্কারসিলোকো অনুপাপুণাতি, সো তস্স হোতি অন্তরাযায. এৰং দারুণো খো, ভিক্খৰে, লাভসক্কারসিলোকো…পে… এৰঞ্হি ৰো, ভিক্খৰে, সিক্খিতব্ব’’ন্তি. ততিযং.