৪. একধীতুসুত্তং

১৭৩. সাৰত্থিযং ৰিহরতি…পে… ‘‘দারুণো, ভিক্খৰে, লাভসক্কারসিলোকো…পে… সদ্ধা ভিক্খৰে উপাসিকা একং ধীতরং পিযং মনাপং এৰং সম্মা আযাচমানা আযাচেয্য – ‘তাদিসা, অয্যে, ভৰাহি যাদিসা খুজ্জুত্তরা চ উপাসিকা ৰেল়ুকণ্ডকিযা [ৰেল়ুকণ্ডকী (সী. ছক্কঙ্গুত্তরেপি)] চ নন্দমাতা’তি. এসা, ভিক্খৰে, তুলা এতং পমাণং মম সাৰিকানং উপাসিকানং, যদিদং খুজ্জুত্তরা চ উপাসিকা ৰেল়ুকণ্ডকিযা চ নন্দমাতা. সচে খো ত্ৰং, অয্যে, অগারস্মা অনগারিযং পব্বজসি; তাদিসা, অয্যে, ভৰাহি যাদিসা খেমা চ ভিক্খুনী উপ্পলৰণ্ণা চাতি. এসা, ভিক্খৰে, তুলা এতং পমাণং মম সাৰিকানং ভিক্খুনীনং, যদিদং খেমা চ ভিক্খুনী উপ্পলৰণ্ণা চ. মা চ খো ত্ৰং, অয্যে, সেখং অপ্পত্তমানসং লাভসক্কারসিলোকো অনুপাপুণাতূতি. তং চে, ভিক্খৰে, ভিক্খুনিং সেখং অপ্পত্তমানসং লাভসক্কারসিলোকো অনুপাপুণাতি, সো তস্সা হোতি অন্তরাযায. এৰং দারুণো খো, ভিক্খৰে, লাভসক্কারসিলোকো…পে… এৰঞ্হি ৰো, ভিক্খৰে, সিক্খিতব্ব’’ন্তি. চতুত্থং.