১. উত্তরাথেরীগাথা

১৭৫. ‘‘‘মুসলানি গহেত্ৰান, ধঞ্ঞং কোট্টেন্তি মাণৰা;

পুত্তদারানি পোসেন্তা, ধনং ৰিন্দন্তি মাণৰা.

১৭৬. ‘‘‘ঘটেথ বুদ্ধসাসনে, যং কত্ৰা নানুতপ্পতি;

খিপ্পং পাদানি ধোৰিত্ৰা, একমন্তং নিসীদথ.

১৭৭. ‘‘‘চিত্তং উপট্ঠপেত্ৰান, একগ্গং সুসমাহিতং;

পচ্চৰেক্খথ সঙ্খারে, পরতো নো চ অত্ততো’.

১৭৮. ‘‘তস্সাহং ৰচনং সুত্ৰা, পটাচারানুসাসনিং;

পাদে পক্খালযিত্ৰান, একমন্তে উপাৰিসিং.

১৭৯. ‘‘রত্তিযা পুরিমে যামে, পুব্বজাতিমনুস্সরিং;

রত্তিযা মজ্ঝিমে যামে, দিব্বচক্খুং ৰিসোধযিং.

১৮০. ‘‘রত্তিযা পচ্ছিমে যামে, তমোক্খন্ধং পদালযিং;

তেৰিজ্জা অথ ৰুট্ঠাসিং, কতা তে অনুসাসনী.

১৮১. ‘‘সক্কংৰ দেৰা তিদসা, সঙ্গামে অপরাজিতং;

পুরক্খত্ৰা ৰিহস্সামি, তেৰিজ্জাম্হি অনাসৰা’’.

… উত্তরা থেরী….