১০. পটাচারাথেরীগাথা

১১২. ‘‘নঙ্গলেহি কসং খেত্তং, বীজানি পৰপং ছমা;

পুত্তদারানি পোসেন্তা, ধনং ৰিন্দন্তি মাণৰা.

১১৩. ‘‘কিমহং সীলসম্পন্না, সত্থুসাসনকারিকা;

নিব্বানং নাধিগচ্ছামি, অকুসীতা অনুদ্ধতা.

১১৪. ‘‘পাদে পক্খালযিত্ৰান, উদকেসু করোমহং;

পাদোদকঞ্চ দিস্ৰান, থলতো নিন্নমাগতং.

১১৫. ‘‘ততো চিত্তং সমাধেসিং, অস্সং ভদ্রংৰজানিযং;

ততো দীপং গহেত্ৰান, ৰিহারং পাৰিসিং অহং;

সেয্যং ওলোকযিত্ৰান, মঞ্চকম্হি উপাৰিসিং.

১১৬. ‘‘ততো সূচিং গহেত্ৰান, ৰট্টিং ওকস্সযামহং;

পদীপস্সেৰ নিব্বানং, ৰিমোক্খো অহু চেতসো’’তি.

… পটাচারা থেরী….