৪. সঙ্কমনত্থাথেরীঅপদানং

৩১. ‘‘ৰিপস্সিস্স ভগৰতো [কোণ্ডঞ্ঞস্স ভগৰতো (স্যা. পী.)], লোকজেট্ঠস্স তাদিনো;

রথিযং পটিপন্নস্স, তারযন্তস্স পাণিনো.

৩২. ‘‘ঘরতো নিক্খমিত্ৰান, অৰকুজ্জা নিপজ্জহং;

অনুকম্পকো লোকনাথো, সিরসি [সীসন্তে (সী. ক.)] অক্কমী মম [তদা (স্যা. পী.)].

৩৩. ‘‘অক্কমিত্ৰান সিরসি [সম্বুদ্ধো (ক.)], অগমা লোকনাযকো;

তেন চিত্তপ্পসাদেন, তুসিতং অগমাসহং.

৩৪. ‘‘কিলেসা ঝাপিতা ময্হং…পে… ৰিহরামি অনাসৰা.

৩৫. ‘‘স্ৰাগতং ৰত মে আসি…পে… কতং বুদ্ধস্স সাসনং.

৩৬. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং সঙ্কমনত্থা [সঙ্কমনদা (স্যা.)] ভিক্খুনী ইমা গাথাযো অভাসিত্থাতি.

সঙ্কমনত্থাথেরিযাপদানং চতুত্থং.