১. নাগসমালত্থেরগাথা

২৬৭. ‘‘অলঙ্কতা সুৰসনা, মালিনী চন্দনুস্সদা;

মজ্ঝে মহাপথে নারী, তুরিযে নচ্চতি নট্টকী.

২৬৮. ‘‘পিণ্ডিকায পৰিট্ঠোহং, গচ্ছন্তো নং উদিক্খিসং;

অলঙ্কতং সুৰসনং, মচ্চুপাসংৰ ওড্ডিতং.

২৬৯. ‘‘ততো মে মনসীকারো, যোনিসো উদপজ্জথ;

আদীনৰো পাতুরহু, নিব্বিদা সমতিট্ঠথ [সম্পতিট্ঠথ (ক.)].

২৭০. ‘‘ততো চিত্তং ৰিমুচ্চি মে, পস্স ধম্মসুধম্মতং;

তিস্সো ৰিজ্জা অনুপ্পত্তা, কতং বুদ্ধস্স সাসন’’ন্তি.

… নাগসমালো থেরো….