১১. পঞ্ঞত্তিহারসম্পাতো

৭৩. তত্থ কতমো পঞ্ঞত্তিহারসম্পাতো?

‘‘তস্মা রক্খিতচিত্তস্স, সম্মাসঙ্কপ্পগোচরো’’তি গাথা. ‘‘তস্মা রক্খিতচিত্তস্সা’’তি পদট্ঠানপঞ্ঞত্তি সতিযা. ‘‘সম্মাসঙ্কপ্পগোচরো’’তি ভাৰনাপঞ্ঞত্তি সমথস্স. ‘‘সম্মাদিট্ঠিপুরেক্খারো, ঞত্ৰান উদযব্বয’’ন্তি দস্সনভূমিযা নিক্খেপপঞ্ঞত্তি. ‘‘থিনমিদ্ধাভিভূ ভিক্খূ’’তি সমুদযস্স অনৰসেসপ্পহানপঞ্ঞত্তি, ‘‘সব্বা দুগ্গতিযো জহে’’তি ভাৰনাপঞ্ঞত্তি মগ্গস্স.

নিযুত্তো পঞ্ঞত্তিহারসম্পাতো.