১৬. নানাধম্মানং এককিচ্চঅভিনিপ্ফাদনপঞ্হো

১৬. রাজা আহ ‘‘ভন্তে নাগসেন, ইমে ধম্মা নানা সন্তা একং অত্থং অভিনিপ্ফাদেন্তী’’তি? ‘‘আম, মহারাজ, ইমে ধম্মা নানা সন্তা একং অত্থং অভিনিপ্ফাদেন্তি, কিলেসে হনন্তী’’তি.

‘‘কথং, ভন্তে, ইমে ধম্মা নানা সন্তা একং অত্থং অভিনিপ্ফাদেন্তি, কিলেসে হনন্তি? ওপম্মং করোহী’’তি. ‘‘যথা, মহারাজ, সেনা নানা সন্তা হত্থী চ অস্সা চ রথা চ পত্তী চ একং অত্থং অভিনিপ্ফাদেন্তি, সঙ্গামে পরসেনং অভিৰিজিনন্তি. এৰমেৰ খো, মহারাজ, ইমে ধম্মা নানা সন্তা একং অত্থং অভিনিপ্ফাদেন্তি, কিলেসে হনন্তী’’তি.

‘‘কল্লোসি, ভন্তে নাগসেনা’’তি.

নানাধম্মানং এককিচ্চঅভিনিপ্ফাদনপঞ্হো সোল়সমো.

মহাৰগ্গো পঠমো.

ইমস্মিং ৰগ্গে সোল়স পঞ্হা.