২৮০. পুটদূসকজাতকং (৩-৩-১০)

৮৮. অদ্ধা হি নূন মিগরাজা, পুটকম্মস্স কোৰিদো;

তথা হি পুটং দূসেতি, অঞ্ঞং নূন করিস্সতি.

৮৯. ন মে মাতা ৰা পিতা ৰা, পুটকম্মস্স কোৰিদো;

কতং কতং খো দূসেম, এৰং ধম্মমিদং কুলং.

৯০. যেসং ৰো এদিসো ধম্মো, অধম্মো পন কীদিসো;

মা ৰো ধম্মং অধম্মং ৰা, অদ্দসাম কুদাচনন্তি.

পুটদূসকজাতকং দসমং.

উদপানৰগ্গো [অরঞ্ঞৰগ্গো (সী. পী. ক.)] ততিযো.

তস্সুদ্দানং –

উদপানৰরং ৰনব্যগ্ঘ কপি, সিখিনী চ বলাক রুচিরৰরো;

সুজনাধিপরোমকদূস পুন, সতপত্তৰরো পুটকম্ম দসাতি.