১৪. পকিণ্ণকনিপাতো

৪৮৪. সালিকেদারজাতকং (১)

১. সম্পন্নং সালিকেদারং, সুৰা ভুঞ্জন্তি কোসিয;

পটিৰেদেমি তে ব্রহ্মে, ন নে [তে (সী. স্যা.), নং (সী. স্যা. পী. অট্ঠ.), তং (ক. অট্ঠ.)] ৰারেতুমুস্সহে.

২. একো চ তত্থ সকুণো, যো নেসং [তেসং (সী. অট্ঠ.)] সব্বসুন্দরো;

ভুত্ৰা সালিং যথাকামং, তুণ্ডেনাদায গচ্ছতি.

৩. ওড্ডেন্তু [উজ্ঝুন্তু (স্যা. ক.) অঙ্গুত্তরনিকাযে পস্সিতব্বং] ৰাল়পাসানি, যথা ৰজ্ঝেথ সো দিজো;

জীৰঞ্চ নং গহেত্ৰান, আনযেহি [আনযেথ (সী. পী.)] মমন্তিকে.

৪. এতে ভুত্ৰা পিৰিত্ৰা চ [ভুত্ৰা চ পিত্ৰা চ (পী.)], পক্কমন্তি ৰিহঙ্গমা;

একো বদ্ধোস্মি পাসেন, কিং পাপং পকতং মযা.

৫. উদরং নূন অঞ্ঞেসং, সুৰ অচ্চোদরং তৰ;

ভুত্ৰা সালিং যথাকামং, তুণ্ডেনাদায গচ্ছসি.

৬. কোট্ঠং নু তত্থ পূরেসি, সুৰ ৰেরং নু তে মযা;

পুট্ঠো মে সম্ম অক্খাহি, কুহিং সালিং নিদাহসি [নিধীযসি (পী.)].

৭. ন মে ৰেরং তযা সদ্ধিং, কোট্ঠো ময্হং ন ৰিজ্জতি;

ইণং মুঞ্চামিণং দম্মি, সম্পত্তো কোটসিম্বলিং;

নিধিম্পি তত্থ নিদহামি, এৰং জানাহি কোসিয.

৮. কীদিসং তে ইণদানং, ইণমোক্খো চ কীদিসো;

নিধিনিধানমক্খাহি, অথ পাসা পমোক্খসি.

৯. অজাতপক্খা তরুণা, পুত্তকা ময্হ কোসিয;

তে মং ভতা ভরিস্সন্তি, তস্মা তেসং ইণং দদে.

১০. মাতা পিতা চ মে ৰুদ্ধা, জিণ্ণকা গতযোব্বনা;

তেসং তুণ্ডেন হাতূন, মুঞ্চে পুব্বকতং [পুব্বে কতং (সী.)] ইণং.

১১. অঞ্ঞেপি তত্থ সকুণা, খীণপক্খা সুদুব্বলা;

তেসং পুঞ্ঞত্থিকো দম্মি, তং নিধিং আহু পণ্ডিতা.

১২. ঈদিসং [এদিসং (সী. পী.)] মে ইণদানং, ইণমোক্খো চ ঈদিসো;

নিধিনিধানমক্খামি [নিধিং নিধানং অক্খাতং (সী. পী.)], এৰং জানাহি কোসিয.

১৩. ভদ্দকো ৰতযং পক্খী, দিজো পরমধম্মিকো;

একচ্চেসু মনুস্সেসু, অযং ধম্মো ন ৰিজ্জতি.

১৪. ভুঞ্জ সালিং যথাকামং, সহ সব্বেহি ঞাতিভি;

পুনাপি সুৰ পস্সেমু, পিযং মে তৰ দস্সনং.

১৫. ভুত্তঞ্চ পীতঞ্চ তৰস্সমম্হি [তৰস্সব্যম্হি (ক.)], রত্তিঞ্চ [রতী চ (সী. পী.)] নো কোসিয তে সকাসে;

নিক্খিত্তদণ্ডেসু দদাহি দানং, জিণ্ণে চ মাতাপিতরো ভরস্সু.

১৬. লক্খী ৰত মে উদপাদি অজ্জ, যো অদ্দসাসিং পৰরং [যোহং অদস্সং পরমং (স্যা. ক.)] দিজানং;

সুৰস্স সুত্ৰান সুভাসিতানি, কাহামি পুঞ্ঞানি অনপ্পকানি.

১৭. সো কোসিযো অত্তমনো উদগ্গো, অন্নঞ্চ পানঞ্চভিসঙ্খরিত্ৰা [অন্নঞ্চ পানং অভিসংহরিত্ৰা (ক.)];

অন্নেন পানেন পসন্নচিত্তো, সন্তপ্পযি সমণব্রাহ্মণে চাতি.

সালিকেদারজাতকং [কেদারজাতকং (ক.)] পঠমং.

৪৮৫. চন্দকিন্নরীজাতকং (২)

১৮. উপনীযতিদং মঞ্ঞে, চন্দে [লোহিতমদেন মজ্জামি; ৰিজহামি জীৰিতং পাণা, (সী. পী. অট্ঠ.)] লোহিতমদ্দনে;

অজ্জ জহামি জীৰিতং, পাণা [লোহিতমদেন মজ্জামি; ৰিজহামি জীৰিতং পাণা, (সী. পী. অট্ঠ.)] মে চন্দে নিরুজ্ঝন্তি.

১৯. ওসীদি [ওসধি (সী. স্যা. পী.), ওসট্ঠি (ক.), ওসতি (অভিনৰটীকা), ওসীদতি (?)] মে দুক্খং [দুক্খং মে (সী. পী.)] হদযং, মে ডয্হতে নিতম্মামি;

তৰ চন্দিযা সোচন্তিযা, ন নং অঞ্ঞেহি সোকেহি.

২০. তিণমিৰ ৰনমিৰ মিলাযামি [মিলযামি (সী.), মিয্যামি (সী. পী. অট্ঠ.)], নদী অপরিপুণ্ণাৰ [অপরিপুণ্ণিযাৰ (সী. পী.)] সুস্সামি;

তৰ চন্দিযা সোচন্তিযা, ন নং অঞ্ঞেহি সোকেহি.

২১. ৰস্সমিৰ সরে পাদে [ৰস্সংৰ সরে পাদে (সী.), ৰস্সংৰ সরে পব্বতপাদে (পী.)], ইমানি অস্সূনি ৰত্তরে ময্হং;

তৰ চন্দিযা সোচন্তিযা, ন নং অঞ্ঞেহি সোকেহি.

২২. পাপো খোসি [পাপোসি খো (সী.), পাপো খো (স্যা. পী.)] রাজপুত্ত, যো মে ইচ্ছিতং [ইচ্ছিত (সী. স্যা. পী.)] পতিং ৰরাকিযা;

ৰিজ্ঝসি ৰনমূলস্মিং, সোযং ৰিদ্ধো ছমা সেতি.

২৩. ইমং ময্হং হদযসোকং, পটিমুঞ্চতু রাজপুত্ত তৰ মাতা;

যো ময্হং হদযসোকো, কিম্পুরিসং অৰেক্খমানায.

২৪. ইমং ময্হং হদযসোকং, পটিমুঞ্চতু রাজপুত্ত তৰ জাযা;

যো ময্হং হদযসোকো, কিম্পুরিসং অৰেক্খমানায.

২৫. মা চ পুত্তং [পুত্তে (সী. পী.)] মা চ পতিং, অদ্দক্খি রাজপুত্ত তৰ মাতা;

যো কিম্পুরিসং অৰধি, অদূসকং ময্হ কামা হি [ময্হং কামা (ক.)].

২৬. মা চ পুত্তং মা চ পতিং, অদ্দক্খি রাজপুত্ত তৰ জাযা;

যো কিম্পুরিসং অৰধি, অদূসকং ময্হ কামা হি.

২৭. মা ত্ৰং চন্দে রোদি, মা সোচি ৰনতিমিরমত্তক্খি;

মম ত্ৰং হেহিসি ভরিযা, রাজকুলে পূজিতা নারীভি [নারী (সী. পী.)].

২৮. অপি নূনহং মরিস্সং, নাহং [ন চ পনাহং (সী. পী.)] রাজপুত্ত তৰ হেস্সং;

যো কিম্পুরিসং অৰধি, অদূসকং ময্হ কামা হি.

২৯. অপি ভীরুকে অপি জীৰিতুকামিকে, কিম্পুরিসি গচ্ছ হিমৰন্তং;

তালীসতগরভোজনা, অঞ্ঞে [তালিস্সতগরভোজনে, অরঞ্ঞে (সী. পী.)] তং মিগা রমিস্সন্তি.

৩০. তে পব্বতা তা চ কন্দরা, [তা চ গিরিগুহাযো (সী. স্যা. পী.)] তা চ গিরিগুহাযো তথেৰ তিট্ঠন্তি [তা চ গিরিগুহাযো (সী. স্যা. পী.)];

তত্থেৰ [তত্থ (সী. স্যা. পী.)] তং অপস্সন্তী, কিম্পুরিস কথং অহং কস্সং.

৩১. তে পণ্ণসন্থতা রমণীযা, ৰাল়মিগেহি অনুচিণ্ণা;

তত্থেৰ তং অপস্সন্তী, কিম্পুরিস কথং অহং কস্সং [কাসং (সী. স্যা. পী.)].

৩২. তে পুপ্ফসন্থতা রমণীযা, ৰাল়মিগেহি অনুচিণ্ণা;