৭. সূচিদাযকত্থেরঅপদানং

৩০. ‘‘তিংসকপ্পসহস্সম্হি, সম্বুদ্ধো লোকনাযকো;

সুমেধো নাম নামেন, বাত্তিংসৰরলক্খণো.

৩১. ‘‘তস্স কঞ্চনৰণ্ণস্স, দ্ৰিপদিন্দস্স তাদিনো;

পঞ্চ সূচী মযা দিন্না, সিব্বনত্থায চীৰরং.

৩২. ‘‘তেনেৰ সূচিদানেন, নিপুণত্থৰিপস্সকং;

তিক্খং লহুঞ্চ ফাসুঞ্চ, ঞাণং মে উদপজ্জথ.

৩৩. ‘‘কিলেসা ঝাপিতা ময্হং, ভৰা সব্বে সমূহতা;

ধারেমি অন্তিমং দেহং, সম্মাসম্বুদ্ধসাসনে.

৩৪. ‘‘দ্ৰিপদাধিপতী নাম, রাজানো চতুরো অহুং;

সত্তরতনসম্পন্না, চক্কৰত্তী মহব্বলা.

৩৫. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা সূচিদাযকো থেরো ইমা গাথাযো অভাসিত্থাতি.

সূচিদাযকত্থেরস্সাপদানং সত্তমং.