২. নদীকস্সপত্থেরঅপদানং

২৯. ‘‘পদুমুত্তরস্স ভগৰতো, লোকজেট্ঠস্স তাদিনো;

পিণ্ডচারং চরন্তস্স, ৰারতো উত্তমং যসং;

অগ্গফলং গহেত্ৰান, অদাসিং সত্থুনো অহং.

৩০. ‘‘তেন কম্মেন দেৰিন্দো, লোকজেট্ঠো নরাসভো;

সম্পত্তোম্হি অচলং ঠানং, হিত্ৰা জযপরাজযং.

৩১. ‘‘সতসহস্সিতো কপ্পে, যং ফলং অদদিং তদা;

দুগ্গতিং নাভিজানামি, অগ্গদানস্সিদং ফলং.

৩২. ‘‘কিলেসা ঝাপিতা ময্হং…পে… ৰিহরামি অনাসৰো.

৩৩. ‘‘স্ৰাগতং ৰত মে আসি…পে… কতং বুদ্ধস্স সাসনং.

৩৪. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা নদীকস্সপো থেরো ইমা গাথাযো

অভাসিত্থাতি.

নদীকস্সপত্থেরস্সাপদানং দুতিযং.