৭. গিরিনেলপূজকত্থেরঅপদানং

৪২. ‘‘মিগলুদ্দো পুরে আসিং, ৰিপিনে ৰিচরং অহং;

অদ্দসং ৰিরজং বুদ্ধং, সব্বধম্মান পারগুং.

৪৩. ‘‘তস্মিং মহাকারুণিকে, সব্বসত্তহিতে রতে;

পসন্নচিত্তো সুমনো, নেলপুপ্ফমপূজযিং.

৪৪. ‘‘একতিংসে ইতো কপ্পে, যং পুপ্ফমভিপূজযিং;

দুগ্গতিং নাভিজানামি, বুদ্ধপূজাযিদং ফলং.

৪৫. ‘‘কিলেসা ঝাপিতা ময্হং…পে… ৰিহরামি অনাসৰো.

৪৬. ‘‘স্ৰাগতং ৰত মে আসি…পে… কতং বুদ্ধস্স সাসনং.

৪৭. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা গিরিনেলপূজকো থেরো ইমা গাথাযো

অভাসিত্থাতি.

গিরিনেলপূজকত্থেরস্সাপদানং সত্তমং.