৯. তিমিরপুপ্ফিযত্থেরঅপদানং

৩১. ‘‘চন্দভাগানদীতীরে, অনুসোতং ৰজামহং;

অদ্দসং ৰিরজং বুদ্ধং, সালরাজংৰ ফুল্লিতং.

৩২. ‘‘পসন্নচিত্তো সুমনো, পচ্চেকমুনিমুত্তমং;

গহেত্ৰা তিমিরং পুপ্ফং, মত্থকে ওকিরিং অহং.

৩৩. ‘‘একনৰুতিতো কপ্পে, যং পুপ্ফমভিপূজযিং;

দুগ্গতিং নাভিজানামি, বুদ্ধপূজাযিদং ফলং.

৩৪. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা তিমিরপুপ্ফিযো থেরো ইমা গাথাযো অভাসিত্থাতি.

তিমিরপুপ্ফিযত্থেরস্সাপদানং নৰমং.