১. মন্দারৰপুপ্ফিযত্থেরঅপদানং

১. ‘‘তাৰতিংসা ইধাগন্ত্ৰা, মঙ্গলো নাম মাণৰো;

মন্দারৰং গহেত্ৰান, ৰিপস্সিস্স মহেসিনো.

২. ‘‘সমাধিনা নিসিন্নস্স, মত্থকে ধারযিং অহং;

সত্তাহং ধারযিত্ৰান, দেৰলোকং পুনাগমিং.

৩. ‘‘একনৰুতিতো কপ্পে, যং পুপ্ফমভিপূজযিং;

দুগ্গতিং নাভিজানামি, বুদ্ধপূজাযিদং ফলং.

৪. ‘‘পটিসম্ভিদা চতস্সো, ৰিমোক্খাপি চ অট্ঠিমে;

ছল়ভিঞ্ঞা সচ্ছিকতা, কতং বুদ্ধস্স সাসনং’’.

ইত্থং সুদং আযস্মা মন্দারৰপুপ্ফিযো থেরো ইমা গাথাযো অভাসিত্থাতি.

মন্দারৰপুপ্ফিযত্থেরস্সাপদানং পঠমং.