৭. পুলিনপূজকত্থেরঅপদানং

১৬৫. ‘‘ৰিপস্সিস্স ভগৰতো, বোধিযা পাদপুত্তমে;

পুরাণপুলিনং হিত্ৰা [ছড্ডেত্ৰা (সী. স্যা.)], সুদ্ধপুলিনমাকিরিং.

১৬৬. ‘‘একনৰুতিতো কপ্পে, যং পুলিনমদাসহং;

দুগ্গতিং নাভিজানামি, পুলিনদানস্সিদং ফলং.

১৬৭. ‘‘তিংসতিমে [তিপঞ্ঞাসে (সী. স্যা.)] ইতো কপ্পে, রাজা আসিং জনাধিভূ;

মহাপুলিননামেন, চক্কৰত্তী মহব্বলো.

১৬৮. ‘‘পটিসম্ভিদা চতস্সো, ৰিমোক্খাপি চ অট্ঠিমে;

ছল়ভিঞ্ঞা সচ্ছিকতা, কতং বুদ্ধস্স সাসনং’’.

ইত্থং সুদং আযস্মা পুলিনপূজকো থেরো ইমা গাথাযো অভাসিত্থাতি.

পুলিনপূজকত্থেরস্সাপদানং সত্তমং.