৩. চঙ্কোটকিযত্থেরঅপদানং

১০. ‘‘মহাসমুদ্দং নিস্সায, ৰসতী পব্বতন্তরে;

পচ্চুগ্গন্ত্ৰান কত্ৰান [পচ্চুগ্গন্ত্ৰান’কাসহং (অট্ঠ.), পচ্চুগ্গমনং কত্ৰান (?)], চঙ্কোটক [চঙ্গোটক (সী.)] মদাসহং.

১১. ‘‘সিদ্ধত্থস্স মহেসিনো, সব্বসত্তানুকম্পিনো [সযম্ভুস্সানুকম্পিনো (স্যা.)];

পুপ্ফচঙ্কোটকং দত্ৰা, কপ্পং সগ্গম্হি মোদহং.

১২. ‘‘চতুন্নৰুতিতো কপ্পে, চঙ্কোটকমদং তদা;

দুগ্গতিং নাভিজানামি, চঙ্কোটকস্সিদং ফলং.

১৩. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা চঙ্কোটকিযো থেরো ইমা গাথাযো অভাসিত্থাতি.

চঙ্কোটকিযত্থেরস্সাপদানং ততিযং.