৫. অব্যাধিকত্থেরঅপদানং

২৪. ‘‘ৰিপস্সিস্স ভগৰতো, অগ্গিসালং অদাসহং;

ব্যাধিকানঞ্চ আৰাসং, উণ্হোদকপটিগ্গহং.

২৫. ‘‘তেন কম্মেনযং ময্হং, অত্তভাৰো সুনিম্মিতো;

ব্যাধাহং নাভিজানামি, পুঞ্ঞকম্মস্সিদং ফলং.

২৬. ‘‘একনৰুতিতো কপ্পে, যং সালমদদিং তদা;

দুগ্গতিং নাভিজানামি, অগ্গিসালাযিদং ফলং.

২৭. ‘‘ইতো চ সত্তমে কপ্পে, একোসিং অপরাজিতো [একো আসিং নরাধিপো (স্যা.)];

সত্তরতনসম্পন্নো, চক্কৰত্তী মহব্বলো.

২৮. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা অব্যাধিকো থেরো ইমা গাথাযো অভাসিত্থাতি.

অব্যাধিকত্থেরস্সাপদানং পঞ্চমং.