২. তম্বপুপ্ফিযত্থেরঅপদানং

৭. ‘‘পরকম্মাযনে যুত্তো, অপরাধং অকাসহং;

ৰনন্তং অভিধাৰিস্সং, ভযৰেরসমপ্পিতো.

৮. ‘‘পুপ্ফিতং পাদপং দিস্ৰা, পিণ্ডিবন্ধং সুনিম্মিতং;

তম্বপুপ্ফং গহেত্ৰান, বোধিযং ওকিরিং অহং.

৯. ‘‘সম্মজ্জিত্ৰান তং বোধিং, পাটলিং পাদপুত্তমং;

পল্লঙ্কং আভুজিত্ৰান, বোধিমূলে উপাৰিসিং.

১০. ‘‘গতমগ্গং গৰেসন্তা, আগচ্ছুং মম সন্তিকং;

তে চ দিস্ৰানহং তত্থ, আৰজ্জিং বোধিমুত্তমং.

১১. ‘‘ৰন্দিত্ৰান অহং বোধিং, ৰিপ্পসন্নেন চেতসা;

অনেকতালে পপতিং, গিরিদুগ্গে ভযানকে.

১২. ‘‘একনৰুতিতো কপ্পে, যং পুপ্ফমভিরোপযিং;

দুগ্গতিং নাভিজানামি, বোধিপূজাযিদং ফলং.

১৩. ‘‘ইতো চ ততিযে কপ্পে, রাজা সুসঞ্ঞতো অহং [সংথুসিতো অহুং (সী.)];

সত্তরতনসম্পন্নো, চক্কৰত্তী মহব্বলো.

১৪. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা তম্বপুপ্ফিযো থেরো ইমা গাথাযো অভাসিত্থাতি.

তম্বপুপ্ফিযত্থেরস্সাপদানং দুতিযং.