৮. ফলকদাযকত্থেরঅপদানং

৩৭. ‘‘যানকারো পুরে আসিং, দারুকম্মে সুসিক্খিতো;

চন্দনং ফলকং কত্ৰা, অদাসিং লোকবন্ধুনো.

৩৮. ‘‘পভাসতি ইদং ব্যম্হং, সুৰণ্ণস্স সুনিম্মিতং;

হত্থিযানং অস্সযানং, দিব্বযানং উপট্ঠিতং.

৩৯. ‘‘পাসাদা সিৰিকা চেৰ, নিব্বত্তন্তি যদিচ্ছকং;

অক্খুব্ভং [অক্খোভং (সী.)] রতনং ময্হং, ফলকস্স ইদং ফলং.

৪০. ‘‘একনৰুতিতো কপ্পে, ফলকং যমহং দদিং;

দুগ্গতিং নাভিজানামি, ফলকস্স ইদং ফলং.

৪১. ‘‘সত্তপঞ্ঞাসকপ্পম্হি, চতুরো নিম্মিতাৰ্হযা;

সত্তরতনসম্পন্না, চক্কৰত্তী মহব্বলা.

৪২. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা ফলকদাযকো থেরো ইমা গাথাযো অভাসিত্থাতি.

ফলকদাযকত্থেরস্সাপদানং অট্ঠমং.