৫. পঞ্চমসিক্খাপদৰণ্ণনা

১০৪৩. পঞ্চমে – কুলে মচ্ছরো কুলমচ্ছরো, কুলমচ্ছরো এতিস্সা অত্থীতি কুলমচ্ছরিনী কুলং ৰা মচ্ছরাযতীতি কুলমচ্ছরিনী. কুলস্স অৰণ্ণন্তি তং কুলং অস্সদ্ধং অপ্পসন্নন্তি. ভিক্খুনীনং অৰণ্ণন্তি ভিক্খুনিযো দুস্সীলা পাপধম্মাতি.

১০৪৫. সন্তংযেৰ আদীনৰন্তি কুলস্স ৰা ভিক্খুনীনং ৰা সন্তং অগুণং. সেসং উত্তানমেৰ. তিসমুট্ঠানং – কিরিযং, সঞ্ঞাৰিমোক্খং, সচিত্তকং, লোকৰজ্জং, কাযকম্মং, ৰচীকম্মং, অকুসলচিত্তং দুক্খৰেদনন্তি.

পঞ্চমসিক্খাপদং.