৭-১০. অনুধম্মসুত্তাদিৰণ্ণনা

৩৯-৪২. সত্তমে ধম্মানুধম্মপ্পটিপন্নস্সাতি নৰন্নং লোকুত্তরধম্মানং অনুলোমধম্মং পুব্বভাগপটিপদং পটিপন্নস্স. অযমনুধম্মোতি অযং অনুলোমধম্মো হোতি. নিব্বিদাবহুলোতি উক্কণ্ঠনবহুলো হুত্ৰা. পরিজানাতীতি তীহি পরিঞ্ঞাহি পরিজানাতি. পরিমুচ্চতীতি মগ্গক্খণে উপ্পন্নায পহানপরিঞ্ঞায পরিমুচ্চতি. এৰং ইমস্মিং সুত্তে মগ্গোৰ কথিতো হোতি, তথা ইতো পরেসু তীসু. ইধ পন অনুপস্সনা অনিযমিতা, তেসু নিযমিতা. তস্মা ইধাপি সা তত্থ নিযমিতৰসেনেৰ নিযমেতব্বা. ন হি সক্কা তীসু অঞ্ঞতরং অনুপস্সনং ৰিনা নিব্বিন্দিতুং পরিজানিতুং ৰাতি. সত্তমাদীনি.

নতুম্হাকৰগ্গো চতুত্থো.