৯. তোদেয্যসুত্তৰণ্ণনা

১০৯৫. যস্মিং কামাতি তোদেয্যসুত্তং. তত্থ ৰিমোক্খো তস্স কীদিসোতি তস্স কীদিসো ৰিমোক্খো ইচ্ছিতব্বোতি পুচ্ছতি. ইদানি তস্স অঞ্ঞৰিমোক্খাভাৰং দস্সেন্তো ভগৰা দুতিযং গাথমাহ. তত্থ ৰিমোক্খো তস্স নাপরোতি তস্স অঞ্ঞো ৰিমোক্খো নত্থি.

১০৯৭-৮. এৰং ‘‘তণ্হক্খযো এৰ ৰিমোক্খো’’তি ৰুত্তেপি তমত্থং অসল্লক্খেন্তো ‘‘নিরাসসো সো উদ আসসানো’’তি পুন পুচ্ছতি. তত্থ উদ পঞ্ঞকপ্পীতি উদাহু সমাপত্তিঞাণাদিনা ঞাণেন তণ্হাকপ্পং ৰা দিট্ঠিকপ্পং ৰা কপ্পযতি. অথস্স ভগৰা তং আচিক্খন্তো দুতিযং গাথমাহ. তত্থ কামভৰেতি কামে চ ভৰে চ. সেসং সব্বত্থ পাকটমেৰ.

এৰং ভগৰা ইমম্পি সুত্তং অরহত্তনিকূটেনেৰ দেসেসি. দেসনাপরিযোসানে চ পুব্বসদিসো এৰ ধম্মাভিসমযো অহোসীতি.

পরমত্থজোতিকায খুদ্দক-অট্ঠকথায

সুত্তনিপাত-অট্ঠকথায তোদেয্যসুত্তৰণ্ণনা নিট্ঠিতা.