২. সুচিন্তিকত্থেরঅপদানৰণ্ণনা

তিস্সস্স লোকনাথস্সাতিআদিকং আযস্মতো সুচিন্তিকত্থেরস্স অপদানং. অযম্পি পুরিমবুদ্ধেসু কতাধিকারো অনেকাসু জাতীসু নিব্বানাধিগমায পুঞ্ঞং উপচিনিত্ৰা তিস্সস্স ভগৰতো কালে একস্মিং কুলগেহে নিব্বত্তো ৰুদ্ধিমন্ৰায সত্থরি পসীদিত্ৰা সত্থু নিসীদনত্থায পরিসুদ্ধং সিলিট্ঠং কট্ঠমযমনগ্ঘপীঠমদাসি. সো তেন পুঞ্ঞকম্মেন সুগতিসুখমনুভৰিত্ৰা তত্থ তত্থ সংসরন্তো ইমস্মিং বুদ্ধুপ্পাদে একস্মিং কুলগেহে নিব্বত্তো ৰুদ্ধিমন্ৰায সত্থরি পসীদিত্ৰা পব্বজিতো নচিরস্সেৰ অরহা অহোসি.

৮. সো পত্তঅরহত্তফলো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো তিস্সস্স লোকনাথস্সাতিআদিমাহ. তং সব্বং উত্তানত্থমেৰাতি.

সুচিন্তিকত্থেরঅপদানৰণ্ণনা সমত্তা.