৬. সব্বদিসাকথাৰণ্ণনা

৮৮৬. ইদানি সব্বদিসাকথা নাম হোতি. তত্থ চতূসু দিসাসু হেট্ঠা উপরীতি সমন্ততো লোকধাতুসন্নিৰাসং, সব্বলোকধাতূসু চ বুদ্ধা অত্থীতি অত্তনো ৰিকপ্পসিপ্পং উপ্পাদেত্ৰা ‘‘সব্বদিসাসু বুদ্ধা তিট্ঠন্তী’’তি যেসং লদ্ধি, সেয্যথাপি মহাসঙ্ঘিকানং; তে সন্ধায পুচ্ছা সকৰাদিস্স, পটিঞ্ঞা ইতরস্স. পুরত্থিমাযাতি পুট্ঠো সক্যমুনিং সন্ধায পটিক্খিপতি. পুন পুট্ঠো লদ্ধিৰসেন অঞ্ঞলোকধাতুযং ঠিতং সন্ধায পটিজানাতি. কিন্নামো সো ভগৰাতিআদি ‘‘সচে ত্ৰং জানাসি, নামাদিৰসেন নং কথেহী’’তি চোদনত্থং ৰুত্তং. ইমিনা উপাযেন সব্বত্থ অত্থো ৰেদিতব্বোতি.

সব্বদিসাকথাৰণ্ণনা.