৫. রূপং হেতূতিকথাৰণ্ণনা

৭৫৪-৭৫৬. ইদানি রূপং হেতূতি কথানাম হোতি. তত্থ হেতূতি কুসলমূলাদিনো হেতুহেতুস্সাপি নামং, যস্স কস্সচি পচ্চযস্সাপি. ইমং পন ৰিভাগং অকত্ৰা ‘‘চত্তারো মহাভূতা হেতূ’’তি ৰচনমত্তং নিস্সায অৰিসেসেনেৰ রূপং হেতূতি যেসং লদ্ধি, সেয্যথাপি উত্তরাপথকানং; তে সন্ধায পুচ্ছা সকৰাদিস্স, পটিঞ্ঞা ইতরস্স. অলোভো হেতূতি কিং তে রূপং অলোভসঙ্খাতো হেতূতি পুচ্ছতি, ইতরো পটিক্খিপতি. সেসেসুপি এসেৰ নযো. মহাভূতা উপাদাযরূপানং উপাদাযহেতূতি এত্থ পচ্চযট্ঠেন হেতুভাৰো ৰুত্তো, ন মূলট্ঠেন, তস্মা অসাধকন্তি.

রূপং হেতূতিকথাৰণ্ণনা.

৭৫৭-৭৫৯. সহেতুককথাযম্পি ইমিনাৰ নযেন অত্থো ৰেদিতব্বোতি.

রূপং সহেতুকন্তিকথাৰণ্ণনা.