(১০) ৫. সামঞ্ঞৰগ্গো

৯১. ইতো পরং অথ খো বোজ্ঝা উপাসিকাতিআদীসু বোজ্ঝা উপাসিকা, সিরিমা উপাসিকা, পদুমা উপাসিকা, সুতনা উপাসিকা, মনুজা উপাসিকা, উত্তরা উপাসিকা, মুত্তা উপাসিকা, খেমা উপাসিকা, রুচী উপাসিকা, চুন্দী রাজকুমারী, বিম্বী উপাসিকা, সুমনা রাজকুমারী, মল্লিকা দেৰী, তিস্সা উপাসিকা, তিস্সামাতা উপাসিকা, সোণা উপাসিকা, সোণায মাতা উপাসিকা, কাণা উপাসিকা, কাণমাতা উপাসিকা, উত্তরা নন্দমাতা, ৰিসাখা মিগারমাতা, খুজ্জুত্তরা উপাসিকা, সামাৰতী উপাসিকা, সুপ্পৰাসা কোলিযধীতা, সুপ্পিযা উপাসিকা, নকুলমাতা গহপতানীতি ইমাসং এত্তকানং অট্ঠঙ্গসমন্নাগতং উপোসথকম্মমেৰ কথিতং. ইচ্ছন্তেন ৰিত্থারেত্ৰা কথেতব্বং. সেসং সব্বত্থ উত্তানত্থমেৰাতি.