১০. উপোসথসুত্তৰণ্ণনা

২০. দসমে নিসিন্নো হোতীতি উপোসথকরণত্থায উপাসিকায রতনপাসাদে নিসিন্নো. নিসজ্জ পন ভিক্খূনং চিত্তানি ওলোকেন্তো একং দুস্সীলপুগ্গলং দিস্ৰা ‘‘সচাহং ইমস্মিং পুগ্গলে নিসিন্নেযেৰ পাতিমোক্খং উদ্দিসিস্সামি, সত্তধা তস্স মুদ্ধা ফলিস্সতী’’তি তস্স অনুকম্পায তুণ্হীযেৰ অহোসি. অভিক্কন্তাতি অতিক্কন্তা পরিক্খীণা. উদ্ধস্তে অরুণেতি উগ্গতে অরুণসীসে. নন্দিমুখিযাতি তুট্ঠমুখিযা. অপরিসুদ্ধা, আনন্দ, পরিসাতি ‘‘অসুকপুগ্গলো অপরিসুদ্ধো’’তি অৰত্ৰা ‘‘অপরিসুদ্ধা, আনন্দ, পরিসা’’তি আহ. সেসং সব্বত্থ উত্তানমেৰাতি.

মহাৰগ্গো দুতিযো.