১০. দুতিযমরণস্সতিসুত্তৰণ্ণনা

২০. দসমে পতিগতাযাতি পটিপন্নায. ইতি পটিসঞ্চিক্খতীতি এৰং পচ্চৰেক্খতি. সো মমস্স অন্তরাযোতি এত্থ তিৰিধো অন্তরাযো জীৰিতন্তরাযো, সমণধম্মন্তরাযো, পুথুজ্জনকালকিরিযং করোন্তস্স সগ্গন্তরাযো চেৰ মগ্গন্তরাযো চাতি. তং সব্বম্পি সন্ধাযেৰমাহ. ব্যাপজ্জেয্যাতি অজিণ্ণকাদিৰসেন ৰিপজ্জেয্য. অধিমত্তোতি বলৰা. ছন্দোতি কত্তুকম্যতাছন্দো. ৰাযামোতি পযোগৰীরিযং. উস্সাহোতি উস্সাপনৰীরিযং. উস্সোল়্হীতি সম্পাদনৰীরিযং. অপ্পটিৰানীতি অনুক্কণ্ঠনা অপ্পটিসঙ্ঘরণা. সেসং সব্বত্থ উত্তানত্থমেৰাতি.

সারণীযৰগ্গো দুতিযো.